FSFE-ja ndihmon individë dhe organizma të kuptojnë se si kontribuon Software-i i Lirë për liri, transparencë, dhe vetë-vetëndosje. Ne zgjerojmë liritë e përdoruesve duke hequr pengesa ndaj adoptimit të Software-it të Lirë, nxit njerëzit të përdorin dhe zhvillojnë Software-in e Lirë, dhe ofron burime për t’i lejuar kujtdo të promovojë më tej Software-in e Lirë në Europë.
Ne punojmë me ente rregullatore dhe publike në Europë për të zgjeruar dhe thelluar të drejtat e përdoruesve dhe zhvilluesve të Software-it të Lirë dhe të për të hequr pengesat ndaj Software-it të Lirë.
Në ekipin tonë ligjor, grumbullojmë dhe ndajmë me të tjerët njohuri mbi aspekte ligjore dhe të licencimit të Software-it të Lirë, mbrojmë interesat e projekteve të Software-it të Lirë, lidhim me njëri-tjetrin ekspertë nga e gjithë bota dhe ndihmojmë grupe të tjerë të arrijnë synime të ngjashme. Ofrojmë asistencë, trajnim dhe dokumentim, në partneritet me gpl-violations.org dhe anëtarë të Rrjetit Ligjor Europian (European Legal Network).
Informimi i publikut rreth Software-it të Lirë është pjesë e misionit bazë të FSFE-së. Ajo ka mjaft ekspertë për tema të ndryshme të Software-it të lirë, dhe mund t’i kontaktoni lidhur me mbajtje bisedash, organizim praktikash, ose pjesëmarrje në diskutime.
Standardet e Hapëta u lejojnë njerëzve të ndajnë mes tyre lirisht dhe me besnikëri të përsosur çfarëdo lloj të dhënash. Ato parandalojnë kyçjet dhe të tjera pengesa artificiale ndaj ndërveprueshmërisë, dhe nxisin mundësi zgjedhjeje mes tregtuesish dhe zgjidhjesh teknologjike. Puna me Standardet e Hapëta nga ana e FSFE-së ka si synim bërjen të mundur që njerëzit ta kenë të lehtë të migrojnë drejt Software-it të Lirë ose nga një zgjidhje Software të Lirë në një tjetër të tillë.
Software-i i Lirë është zgjidhje e përsosur për sektorin publik. Ai sjell efektshmëri për qeverisjen, transparencë për qytetarët, dhe konkurrencë për biznesin. FSFE-ja punon me ente publike kudo në Europë për përmirësimin e prokurimeve publike në fushën e TI-së dhe hapur mundësi për Software-in e Lirë.
Patentat e software-it janë një kërcënim për shoqërinë dhe ekonominë. Ato kufizojnë novacionin, dëmtojnë bizneset dhe vënë në rrezik të madh krijimtarinë me bashkëpunim. FSFE-ja lufton që ta mbajë Europën pa patenta software-i, dhe punon në nivel OKB-je që të hiqen patentat mbi software-in anembanë botës.
FSFE-ja punon me Komisionin Europian dhe Parlamentin Europian për krijimin në Europë të një mjedisi pozitiv për Software-in e Lirë dhe Standardet e Hapura. Ne luftojmë kundër monopoleve dhe jemi pro konkurrencës në tregun e software-it, duke marrë pjesë në çështje antitrust si palë e tretë e interesuar. Ne informojmë hartuesit e politikave mbi mundësitë që ofron Software-i i Lirë, dhe ushtrojmë trysni për ndërveprueshmëri.
FSFE-ja nxit aktivisht përdorimin e Software-it të Lirë në shkolla dhe universitete. Software-i i Lirë është më lart nga ana pedagogjike, fryma themelore e tij, e mbrujtur me lirinë dhe bashkëpunimin, është e njëjta frymë e arsimit në një mjedis demokratik.
FSFE-ja ka qenë aktive në nivelin e OKB-së që prej 2002-shit, duke ndihmuar për krijimin e një shoqërie globale informacioni, e lirë dhe e barabartë. Gëzojmë statusin e vëzhguesit në Organizatën Botërore të Pronësisë Intelektuale (WIPO).
Free Software Foundation Europe ka punuar për mjaft çështje dhe fushata të tjera. Për hollësi mbi çka kemi arritur, shihni ndarjen Projekte të Mbaruara Dhe të Pavazhduara.