fsfe-website/fsfe.org/news/2015/news-20151013-01.sq.xhtml

<?xml version="1.0" encoding="utf-8"?>
<html newsdate="2015-10-13">
  <version>1</version>

	<head>
	<title>FSFE-ja bind 1125 administrata publike të heqin
        reklama software-i pronësor</title>
	</head>
	
		<body>
<h1>FSFE-ja bind 1125 administrata publike të heqin
reklama software-i pronësor</h1>

<p>Pas gjashtë vjetësh përpjekjesh, këtë muaj,
<a href="/activities/pdfreaders/index.html">fushata PDFreaders</a>
 po mbërrin në fundin e saj, si një nga fushatat tona më të suksesshme.</p>
 
<p>Fushata nisi më 2009-n, me synimin e heqjes nga sajte institucionesh
publike të reklamave për software pronësor leximi PDF-sh. E gjithë kjo filloi
kur vullnetarë parashtruan 2104 raste software-i pronësor PDF-sh, të promovuar
drejtpërsëdrejti nga autoritete publike, dhe FSFE-ja paraqiti një
<a href="/activities/pdfreaders/buglist.html">listë</a> të tyre në internet.
Që nga ajo kohë, qindra veprimtarë të Software-it të Lirë u hodhën në veprim
duke u shkruar institucioneve publike përkatëse për t’u kërkuar
ndryshime në sajtet e tyre. Patë mjaft reagime pozitive nga institucione
që na falënderonin për letrat tona dhe, deri sot, 1125 nga 2104 prej tyre
(53%) i kanë ndryshuar sajtet e veta duke hequr lidhjet për te lexues PDF-sh
pronësorë, ose duke shtuar lidhje për te lexues PDF-sh Software i Lirë.</p>

<p>
Veç shkrim letrash, FSFE-ja grumbulloi nënshkrime për një
<a href="/activities/pdfreaders/petition.html">peticion me të cilin kërkohet
t’i jepet fund reklamave për software pronësor në sajte qeveritare</a>. Këtë
peticion e nënshkruan 90 organizma, 63 biznese, dhe 2731 individë.</p>

 <p>Për më tepër, ne qemë në gjendje të kërkonim ndryshime si në shkallë kombëtare,
ashtu edhe ndërkombëtare.</p>
    
	<ul><li> Në Gjermani, 
    <a href="http://gruen-digital.de/2012/03/document-freedom-day-kleine-anfrage-zur-werbung-fuer-adobe-reader-eingereicht/">partitë kombëtare</a>
    dhanë deklarata në favor të lexuesve të lirë të PDF-ve dhe vetë qeveria gjermane
    ka rekomanduar përdorimin e tekstit tonë sqarues në
    <a href="http://www.cio.bund.de/Web/DE/Architekturen-und-Standards/Migrationsleitfaden-und-Migrationshilfen/migrationsleitfaden_node.html">udhërrëfyesin e tyre për migrim</a>.
    Bashkërenduesi i FSFE-së për Gjermaninë, Max Mehl, <a href="http://blog.mehl.mx/2015/german-government-wants-authorities-to-advertise-pdfreaders/">e mbulon temën</a> 
    më në hollësi te blogu i tij.</li>
    <li> Në BE: Parlamenti Europian 
    <a href="/activities/pdfreaders/parliamentary-questions-eu.html">i kërkoi drejtpërsëdrejti</a>
    Komisionit Europian se cilat kanë qenë arsyet për reklamimin e një software-i
    të caktuar dhe ç’hapa qenë marrë për ta zgjidhur këtë problem.</li>
    <li>Më 2011-n një nga bashkërenduesit tanë të fushatës pdfreaders.org,
    <a href="https://blogs.fsfe.org/polina/2015/09/10/free-pdf-reader-for-the-web-browser/">Hannes Hauswedell,
    pati kontakte me Google-in</a>, për t’u kërkuar atyre të hedhin në
    qarkullim si Software të Lirë lexuesin PDF që përfshihet te shfletuesi
    i tyre Chrome. Së fundi, në Maj të 2014-s, <a href="https://twitter.com/nasko/status/469595752734269440">kodi
    burim i pdfium-it u publikua i hapët</a> dhe, edhe pse veprimet e FSFE-së
    mund të mos kenë qenë arsyeja e vetme pse ndodhi, kjo përbën një ndryshim 
    të rëndësishëm në të mirë të adoptimit të gjerë të lexuesve PDF Software
    i Lirë.</li>
    </ul>

<blockquote>
	<p>"Ky sukses s’do të kish qenë i mundur pa ndihmën dhe punën e madhe
  të vullnetarëve tanë dhe përkrahjen nga dhuruesit tanë. <strong>Faleminderit!</strong>
  Edhe pse mjaft sajte publikë dhe privatë promovojnë ende lexues pronësorë, 
  shkalla e ndërgjegjësimit ka ndryshuar në mënyrë domethënëse përgjatë
  fushatës sonë dhe për ju tani do të duhej të ishte shumë më e lehtë t’u
  drejtoheni administratorëve të sajteve të mbetur. Gjithashtu, shumica
  e përdoruesve të internetit sot përdorin tashmë Software të Lirë kur hapin
  një kartelë PDF që nga shfletuesi i tyre -- ndryshim i madh me 2009-n!" thotë
  Hannes Hauswedell që i dha fill fushatës. "Sigurisht ka ende punë për t’u bërë
  dhe ju ftojmë të vazhdoni t’ua kujtoni administratorëve (publikë) të përdorin
  Standarde të Hapur dhe të mos rekomandojnë software pronësor. Dhe me përkrahjen
 tuaj, edhe ne, do të vazhdojmë betejën për një Internet që respekton privatësinë
 dhe lirinë e përdoruesve të vet!"</p></blockquote>

 <p>Që <a href="/activities/pdfreaders/follow-up.html">të merrni pjesë</a>,
 mund të përdorni <a href="/activities/pdfreaders/letter.html">letrën tonë shembull</a>,
 për t’ia dërguar administratës publike të dëshiruar, ose mund të shkruani një tuajën. 
 Thjesht, sigurohuni të përfshini të dhëna se ku të gjendet një listë
 <a href="http://pdfreaders.org">lexuesish PDF Software i Lirë</a> që mund
 të zëvendësojë lidhjen te sajti i tyre.</p>
 <p>Edhe një herë një falënderim të veçantë për veprimtarët, vullnetarët, dhe dhuruesit që 
 ndihmuan në shndërrimin e kësaj fushate në sukses!</p>
 
 </body>
 
	<tags>
		<tag key="front-page"/>
		<tag key="public-administration">Administratë Publike</tag>
		<tag key="pdfreaders">PDFreaders</tag>
		<tag key="campaigns">Fushatë</tag>
	</tags>
<translator/>
</html>