fsfe-website/fsfe.org/news/2012/news-20120228-01.sq.xhtml

<?xml version="1.0" encoding="utf-8"?>
<html newsdate="2012-02-28">
  <version>1</version>

  <head>
    <title>FSFE-ja fillon Fushatën Për Një Sistem Android të Lirë</title>
  </head>
  
  <body>

    <h1>FSFE-ja fillon Fushatën Për Një Sistem Android të Lirë</h1>
	
	<p>
	Telefonat e mençur kanë një problem privatësie.
	Kjo është një nga arsyet pse Free Software Foundation Europe (FSFE)
	po fillon sot <a href="/activities/android/android.html">fushatën e saj "Çlironi Android-in Tuaj!"</a>.
	</p>
	
	<p>
	"Përdoruesi e meritojnë të kenë kontroll të plotë mbi pajisjet e tyre celulare",
	shprehet Torsten Grote, anëtar i FSFE-së dhe nismëtar i fushatës.
	"Nëse telefoni juaj xhiron Software të Lirë, kontrollin e keni ju.
	Nëse xhiron software pronësor, kontrollin e jetës suaj dixhitale ua lini në dorë prodhuesve dhe programuesve."
	</p>

  <p> Mungesa e lirisë në software-in për telefona të mençur dhe tablete po bëhet
  gjithnjë e më shumë problematike.  Mjaft aplikacione <a href="https://en.wikipedia.org/wiki/Carrier_IQ">spiunojnë përdoruesit e tyre
    pa dijeninë e këtyre të fundit</a> (Carrier IQ) dhe <a href="http://www.guardian.co.uk/technology/2012/feb/15/apple-iphone-address-book-privacy">transmetojnë
    të dhëna personale të tilla si libra adresash të iPhone-eve</a>.  Pajisje të tjera janë
  krejtësisht të kyçura, duke ia bërë të pamundur përdoruesve çinstalimin e disa aplikacioneve, ose thjesht
  nuk marrin përditësime.
  "Çlironi Android-in Tuaj!" promovon versione Android-i të optimizuar për
  kontroll nga përdoruesi, dhe një <a href="http://f-droid.org/">treg
  alternativ që ofron vetëm aplikacione të-lira-si-te-liria</a>.  Ajo i fton
  gjithashtu përdoruesit të kontribuojnë te nismat të ndryshme dhe që
  të identifikojnë aplikacionet themelore që ende nuk kanë alternativa
  të lira.
  </p>

  <p> "Sistemi operativ Android mund të jetë i lirë në pjesën dërrmuese, por shumë
  nga aplikacionet për të nuk janë të tilla", thotë Karsten Gerloff, presidenti i FSFE-së.  "Pajisjet celulare përmbajnë
  plot të dhëna mbi jetën tonë. Me këtë fushatë, jo vetëm që do të tërheqim
  vëmendjen se sa shumë peshë ka privatësia dhe liria te telefonat e mençur dhe tabletet,
  por do t’u japim përdoruesve mjetet për t’i bërë pajisjet e tyre më të mira." </p>

	<p>
	Fushata Çlironi Android-in Tuaj i nxit njerëzit të lidhen me programuesit
        e aplikacioneve të dobishme pronësore. Shpesh këto aplikacione shpërndahen pa pagesë,
        por jo nën një leje të lirë. Përgjigjet dhe objeksionet nga programuesit
        koleksionohen dhe <a href="https://wiki.fsfe.org/Android">analizohen te një faqe wiki</a>.
	</p>

	<p>
	Deri më sot, FSF-ja dhe organizmi gjerman për privatësinë, FoeBuD e.V.
	po punojnë me FSFE-në në një përpjekje për të përmirësuar kushtet për
        liri software-i dhe privatësi në fushën e celularëve.
	FSFE-ja pret që në fushatë të marrin pjesë edhe organizma të tjerë.
	</p>

  </body>


  <tags>
    <tag key="front-page"/>
  </tags>
<translator/>
</html>
<!--
Local Variables: ***
mode: xml ***
End: ***
-->